വാദി ഭാഗം കൂട്ടില് നിന്ന് അയാള് ഡയസിലേക്ക് നോക്കി . ജഡ്ജിക്ക് പകരം ഒരു കുന്നു നോട്ടുകെട്ടുകള് സംസാരിച്ചു
" അതി ക്രൂരമായി ഒരു പെണ്കുട്ടിയെ കൊന്ന കുറ്റത്തിന് ഇയാള്ക്ക് ഈ കോടതി മരണ ശിക്ഷ വിധിച്ചിരിക്കുന്നു "
ജഡ്ജി പുച്ഛത്തോടെ അയാളെ നോക്കി . അയാള് നിര്വികാരനായി നിന്നു .
തുടര്ന്ന് പ്രതിഭാഗത്തേക്ക് തിരിഞ്ഞു നീതിപാലകന് അരുള് ചെയ്തു .
" നിങ്ങള്ക്കെതിരെ തെളിവുകള് ഒന്നും ഹാജരാക്കാന് പ്രതിഭാഗത്തിന് കഴിയാത്തതിനാല് ഈ കോടതി നിങ്ങളെ വെറുതെ വിടുന്നു "
പ്രതിഭാഗത്തുള്ള നോട്ടുകൂമ്പാരം പുഞ്ചിരിച്ചു .
സാക്ഷികള് പണച്ചാക്കുകള് തലയിലേന്തി ആര്ത്തു ചിരിച്ചു .
കണ്ണുകള് കറുത്ത തുണി കൊണ്ട് കൂട്ടിക്കെട്ടിയ നീതി ദേവത ഇനിയൊരു അനീതി സഹിക്കാനാവാതെ മുഖം തിരിച്ചു കളഞ്ഞു .