Wednesday, May 11, 2011

പാവകളി



ട്ര്ര്‍നീം ട്ര്ര്‍നീം

ഹലോ .. എസ് ഐ വേലപ്പന്‍ സ്പീക്കിംഗ് ..

"................... "

ശരി സര്‍ .. ഉടന്‍ തന്നെ അറസ്റ്റ് ചെയ്യാം സര്‍

പടക്

കോണ്‍സ്റ്റബിള്‍ .. വേഗം റെഡി ആകൂ . മണല്‍ മാഫിയ പിന്നെയും രംഗത്ത് . ഉടന്‍ പോയി പിടികൂടണം . ഐജി യുടെ ഓര്‍ഡര്‍ ..

യെസ് സര്‍ര്‍ര്‍ര്‍ര്‍ര്‍ര്‍

ഊ ... ഊ .... ഊ ... ഊ .... ഊ ... ഊ ....

ഓടിക്കോ ... പോലീസ്‌ ...

അറസ്റ്റ് ദെം ..

ലോക്കപ്പിലിട്ടു പൂട്ടിയെക്കൂ .. ആര് പറഞ്ഞാലും തുറന്നു വിടണ്ട .

ട്ര്ര്‍നീം ട്ര്ര്‍നീം

ഹലോ .. എസ് ഐ വേലപ്പന്‍ സ്പീക്കിംഗ് ..

"............... "

സര്‍ അത് .....

"............... "

ശരി സര്‍ ...

തുറന്നു വിട്ടെക്കടോ അവന്മാരെ .. ഐജി യാ വിളിച്ചത് ..

ഇനീം കാണാം സാറേ ..

ട്ര്ര്‍നീം ട്ര്ര്‍നീം

ഹലോ .. എസ് ഐ വേലപ്പന്‍ സ്പീക്കിംഗ് ..

".............."

സര്‍ ....

".............."

സോറി സര്‍

".............."

പിടിക്കാന്‍ പറയുന്നതും വിടാന്‍ പറയുന്നതും സര്‍ തന്നെ . പിടിച്ച ഉടനെ വിടാനാണെങ്കില്‍ പിന്നെ എന്തിനാ സര്‍ വെറുതെ മെനക്കെടുന്നത് ?

".............."

സര്‍ ..

പടക്

കോണ്‍സ്റ്റബിള്‍ ... റെഡി ?

റെഡി സര്‍ ...

ഊ ... ഊ .... ഊ ... ഊ .... ഊ ... ഊ ....

പരലോക ചിന്തകള്‍




നീ മരിച്ചാല്‍ നിനക്ക് സ്വര്‍ഗത്തില്‍ പോണോ അതോ നരകത്തില്‍ പോണോ ?

സ്വര്‍ഗം എന്താ? നരകം എന്താ? 

സ്വര്‍ഗം എന്നാല്‍ .. നിനക്കൊരിക്കലും സങ്കടപ്പെടേണ്ടി വരില്ല . എന്നും ഇപ്പോഴും സന്തോഷം സുഖം .

നരകം എന്നാല്‍ .. ദു:ഖം ദുരിതം , രോഗം .. എണ്ണയില്‍ ഇട്ടു പൊരിക്കും . തീയിലിട്ടു ചുടും . വിഷപ്പാമ്പുകളെക്കൊണ്ട് കടിപ്പിക്കും .... എന്നും വേദന മാത്രം ...

എനിക്ക് സ്വര്‍ഗത്തില്‍ പോയാല്‍ മതി ..

എങ്കില്‍ നല്ല കാര്യങ്ങള്‍ മാത്രം ചെയ്യാന്‍ ശ്രമിക്കൂ ..

അങ്ങനെ ഒരുനാള്‍ ഞാന്‍ മരിച്ചു ... പരലോകത്തെത്തി. 

അത്ഭുതപ്പെട്ടുപോയി . വെള്ള മേഘങ്ങള്‍ നിറഞ്ഞ ഒരു സ്ഥലം . അവിടവിടെ ചില രൂപങ്ങള്‍ . 

പുതിയ ആള്‍ വന്നല്ലോ ... ആള്‍ക്കൂട്ടത്തില്‍ നിന്നും ആരോ ..........

നിങ്ങളൊക്കെ ? 

നിനക്ക് മുന്നേ മരിച്ചു വന്നവരാ ...

അപ്പൊ നിങ്ങള്‍ സ്വര്‍ഗത്തിലും നരകത്തിലും പോയില്ലേ ?

അത് നീ ദൈവത്തിനോട് ചോദിക്ക് ..

അതിനു ദൈവം എവിടെ ?

അയാള്‍ ഒരു ദിക്കിലേക്ക് ചൂണ്ടി . അവിടെ ഒരു മഞ്ഞു മറ പോലെ എന്തോ .....

അവിടേക്ക് നടന്നു .. 

ദൈവമേ .....

എന്താണ് ? ചോദിച്ചോളൂ .. സ്നേഹമസൃണമായ സ്വരം ...

അങ്ങാണോ ദൈവം ?

അതെ .. ഞാന്‍ തന്നെ ..

അങ്ങയെ കാണാന്‍ കഴിയില്ലേ ?

ഇല്ല .. എനിക്ക് രൂപമില്ല ... നിറമില്ല .. ഗന്ധമില്ല .. എന്തെന്നാല്‍ ഞാന്‍ നിങ്ങളില്‍ ഓരോരുത്തരുടെയും ജീവവായു ആണ് ..

പക്ഷെ ഭൂമിയില്‍ മനുഷ്യര്‍ ദൈവത്തിനെ പല പേരിലും രൂപത്തിലും ആരാധിക്കുന്നല്ലോ ...

നോക്കൂ .. ഞാന്‍ മനുഷ്യരെ സൃഷ്ടിച്ചതോടൊപ്പം ചെകുത്താനെയും സൃഷ്ടിച്ചു . ദൈവത്തിന്റെ പേരില്‍ അടി കൂടുന്നവര്‍ ചെകുത്താന്റെ സന്തതികള്‍ . ദൈവത്തിന്റെ പേരിലോ അല്ലാതെയോ പരസ്പരം സ്നേഹിക്കുന്നവര്‍ മനുഷ്യര്‍ ..

ആട്ടെ .. ഈ സ്വര്‍ഗ്ഗവും നരകവും എവിടെയാണ് ? 

നിന്റെ ഇടതു ഭാഗത്തേക്ക് നോക്കൂ .. അതാണ്‌ നരകം .. നിന്റെ വലതു ഭാഗത്തേക്ക് നോക്കൂ .. അതാണ്‌ സ്വര്‍ഗം ..

ഇടം വലം നോക്കി ... ശൂന്യം !!!!

ഒന്നും ഇല്ലല്ലോ ഇവിടെ !!!

അതെ .. ഒന്നും ഇല്ല . എന്തെന്നാല്‍ സ്വര്‍ഗ്ഗവും നരകവും ഭൂമിയില്‍ തന്നെ ....

അപ്പോള്‍ ജീവിതകാലം മുഴുവന്‍ സങ്കടങ്ങള്‍ അനുഭവിക്കുന്നവന്‍ ? ജീവിതകാലം മുഴുവന്‍ സുഖസൌഭാഗ്യങ്ങള്‍ അനുഭവിക്കുന്നവന്‍ ? ദൈവവും പക്ഷഭേദം കാണിച്ചു തുടങ്ങിയോ ? 

നിനക്ക് തെറ്റി . ഒരാള്‍ ദു:ഖം അനുഭവിക്കുന്നു എങ്കില്‍ അതിലിരട്ടി സന്തോഷവും അയാള്‍ അനുഭവിക്കുന്നുണ്ട് . ഒരു നേരത്തെ ഭക്ഷണത്തിന് കൊതിക്കുന്നവന് ഭക്ഷണം കിട്ടുമ്പോള്‍ ഉണ്ടാകുന്ന സന്തോഷം .. അതീ ലോകത്തിലെ ഏറ്റവും വലിയ സന്തോഷമാണ് . 

സുഖം അനുഭവിക്കുന്നവന്‍ അതിനേക്കാള്‍ വലിയ ദു:ഖം അനുഭവിക്കുന്നുണ്ട് . അപമാന ഭയത്താല്‍ പുറത്തു പറയുന്നില്ലെന്ന് മാത്രം .. 

എങ്കിലും ........

എങ്കിലും എന്നതിന് പ്രസക്തി ഇല്ല . എങ്കിലും എന്നത് മനസ്സിന്റെ തോന്നലാണ് . ചിന്തകള്‍ക്ക് കടിഞ്ഞാണിടൂ ... എന്നിട്ട് വിശ്രമിക്കൂ .... സ്വസ്ഥമായി .. ഇത്രയും കാലം നീ ഉറങ്ങാതിരുന്നതിനു പ്രതിഫലമായി നീ ഉറങ്ങുക ... എന്നെന്നേക്കുമായി ....

കാഴ്ച മങ്ങുമ്പോള്‍ എന്റെ കണ്ണുകള്‍ തേടി ...

എവിടെ സ്വര്‍ഗം ? എവിടെ നരകം ? ....